Свет
20. December 2016 - 17:57

Снежна фатаморгана во Сахара- по 37 години падна снег!

Последен пат снег паднал во Алжир во 1979 година, така што жителите во градот Аин Сефра вчера биле потполно збунети и воодушевени од глетката којашто ги затекнала.

Фотографиите од песочните дини напрашени со снег ги забележал и фотографот-аматер Карим Бучетата.

Тој го забележал магичниот момент кога снегот ги прекрил дините од црвен песок во една од најголемите пустини на светот.

– Ова е една навистина ретка прилика, сите се изненадени и збунети од снегот којшто ги дочекал буквално среде пустина. Снегот на дините се задржа само еден ден, а потоа и сосема очекувано, се стопи, изјавил Бучетата за Дејли меил.