Македонија
21. August 2015 - 12:36

Службата за спасување во Велес доби нова опрема

Службата за спасување во Општина Велес, која дејствува при елементарни непогоди пред се поплави, доби нова опрема - два гумени чамци за вода со мотор, пили, секири, ортоми. Службата е составена од пожарникари од ППЕ од Велес и спасители на вода од ОО на Црвен крст.

Како што појасни на денешната прес конференција Љупчо Лепидовски командир на ППЕ од Велес, со новата опрема во многу ќе се забрза работата на Службата за спасување при поплави и слични непогоди како што беа во изминатата и оваа година.

- Со новата опрема ќе може подобро  да се дејствува  во сите случаи кога е неопходна брза интервенција за спасување на човечки животи при елементарни непогоди. Воедно ќе помагаме и при елементарни непогоди на населението од соседните општини, потецира Лепидовски.

Градоначалникот Славчо Чадиев информира дека Општина Велес за оваа намена од општинскиот буџет издвоила околу 330 илјади денари. Финансиски и понатаму ќе ја опремува Службата за спасување со опрема, како и со мотори за извлекување на вода, со елеци за спасување и друга неопходна опрема за спасување  и  делување на оваа служба.