Скворцова: Во експлозијата во метрото во Санкт Петербург загинаа десет лица
Во денешната експлозија во метрото во Санкт Петербург седум лица загинале на лице место, еден починал во возило на брза помош, а двајца во приемно одделение на болницата, соопшти руската министерка за здравство Вероника Скворцова, цитирана од ТАСС.
Според официјалните информации, во несреќата се повредени 47 лица.
-Триесет и девет лица се примени во болница, од кои двајца починале во приемното одделение, а шест од настраданите се во тешка состојба, додека состојбата на останатите е просечно тешка, изјави Скворцова.
Прес-службата на градската администрација во Санкт Петербург подоцна соопшти дека во болница се сместени 43 настрадани од експлозијата, пренесе ТАСС. Меѓу нив е и едно дете.
Експлозијата, што се случи денеска попладне, околу 13.40 часот по средноевропско време, растресе еден од возовите на метрото во Санкт Петербург, и тоа меѓу станиците „Технолошки институт“ и „Плоштадот Сенаја“.
Националниот антитерористички комитет претходно соопшти за девет загинати и над 20 ранети лица.
Градската управа на Санкт Петербург соопшти дека е прогласена тридневна жалост, што почнува од утре.
Ново на Сител
-
Последен ден од кампањата за претседателските избори
-
Ахмети до Мицкоски: Внимавај што зборуваш, Мицкоски му возврати да се подготви за опозиција
-
Оштетена пратеничка канцеларија
-
Најавена тужба за клевета
-
МОН бара решение како основците да не учат во сабота
-
Ученик претепал наставничка
-
Лабораторијата без кадар, Токсикологија во хаос!
-
Последен ден од кампањата за претседателските избори