Скворцова: Во експлозијата во метрото во Санкт Петербург загинаа десет лица
Во денешната експлозија во метрото во Санкт Петербург седум лица загинале на лице место, еден починал во возило на брза помош, а двајца во приемно одделение на болницата, соопшти руската министерка за здравство Вероника Скворцова, цитирана од ТАСС.
Според официјалните информации, во несреќата се повредени 47 лица.
-Триесет и девет лица се примени во болница, од кои двајца починале во приемното одделение, а шест од настраданите се во тешка состојба, додека состојбата на останатите е просечно тешка, изјави Скворцова.
Прес-службата на градската администрација во Санкт Петербург подоцна соопшти дека во болница се сместени 43 настрадани од експлозијата, пренесе ТАСС. Меѓу нив е и едно дете.
Експлозијата, што се случи денеска попладне, околу 13.40 часот по средноевропско време, растресе еден од возовите на метрото во Санкт Петербург, и тоа меѓу станиците „Технолошки институт“ и „Плоштадот Сенаја“.
Националниот антитерористички комитет претходно соопшти за девет загинати и над 20 ранети лица.
Градската управа на Санкт Петербург соопшти дека е прогласена тридневна жалост, што почнува од утре.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок