Скопје и Сараево се збратимија
Градоначалниците на Скопје и на Сараево, Петре Шилегов и Абдулах Скака, денеска потпишаа Спогодба за збратимување.
- Оваа Спогодба претставува круна на еден процес кој се одвиваше во текот на една година, благодарност до нашите претходници и градската администрација, рече Шилегов по потпишувањето.
Сараево, како што рече, е 20-иот град со кој се збратимува Скопје и е последен град од поранешната Југословенска држава.
Тој изрази благодарност до амбасадорката на БиХ во Македонија Лепа Бабиќ која многу се вложила во овој процес.
- Можеме да реализираме сериозна соработка зошто и Скопје и Сараево имаат исти или слични проблеми како загаденоста, урбанизмот, инфраструктурата,... Веќе парафиравме една спогодба за размена на искуства помеѓу јавните сообраќајни претпријатија на Скопје и на Сараево во делот на експлоатација на жичарници, размена на искуства во сообраќајот, потенцира Шилегов.
Градоначалникот Скака му посака успешна работа на Шилегов и истакна дека ова е добар почеток за соработката меѓу Сараево и Скопје. Тој потенцира дека Скопје е првиот град од поранешна Југославија со којшто се збратимуваат и додаде оти и Скопје и Сараево ја негуваат мултиетничноста.
На потпишувањето на Спогодбата присуствуваше делегација од Сараево и советници од двата града.
Ново на Сител
-
Избори во Хрватска: По преброени 98 отсто од гласовите - ХДЗ има 60, а СДП 42 пратенички мандати
-
Лидерите на ЕУ повикаа на борба против дезинформациите, манипулациите и странското мешање во изборните процеси
-
Сообраќајот по влажни коловози, одрон на патот Берово - Будинарци
-
Променливо облачно со повремен дожд, на планините и снег
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО