СЈО го повлече барањето за замрзнување на имотот на ВМРО-ДПМНЕ
Специјалното јавно обвинителство (СЈО) се откажало од барањето за заштита на законитост со кое бараше замрзнување на седиштето на ВМРО-ДПМНЕ.
Со барањето за заштита на законитоста СЈО сметаше дека Врховниот суд треба да ги поништи сите претходни судски одлуки кои оневозможуваа замрзнување на имотот на партијата во рамки на истрагата што ја води ова обвинителство „Талир“.
- Барањето за заштита на законитоста се отфрла. Според член 460 став 1 од Законот за кривичната постапка, ако јавниот обвинител го повлече барањето за заштита на законитоста, судот со решение ќе го отфрли барањето, се наведува во одлуката на Врховен, донесена на 14. месецов.
„Талир“ е една од истрагите на СЈО кои произлегуваат од незаконски прислушуваните разговори. При нејзиното објавување од СЈО информираа дека се однесува на незаконско финансирање на ВМРО-ДПМНЕ при што постои основано сомнение дека во периодот од 2009 до 2015 година се злоупотребени 4,9 милиони евра, кои потекнуваат од кривично дело сторено од група лица што преку месните организации на партијата овозможиле перење пари, со внесување пари на партиската сметка преку готовински уплати како лични уплати. СЈО тогаш најави ќе побара замрзнување на дел од имотот на партијата, меѓу кои и на зградата во која е штабот на ВМРО-ДПМНЕ.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили