Синдикатот на СГИП бара бенифициран стаж за градежните работници
Синдикатот за градежништво, индустрија и проектирање (СГИП) денеска побара со најавената ревизија на Правилникот за бенифициран стаж да бидат опфатени и градежните работници.
Заменик-претседателот на СГИП Иван Пешевски на прес-конференцијата во Сојузот на синдикати на Македонија рече дека ја поздравуваат иницијативата на министерката за труд и социјална политика за ревизија на Правилникот за бенифициран стаж, но оти бараат да се земе предвид нивната иницијатива за бенифициран стаж отпочната во ноември 2013 година.
- Врз основа на направената анализа констатиравме дека има работни места кои го користат правото на бенифицираниот стаж во другите сектори, а истите работни места во секторот градежништво не користат такво право. Исто така со анализата се утврдени и нови работни места кои не се опфатени во Правилникот, а се третираат со висок степен на ризик и тешки услови за работа, рече Пешевски.
Од СГИП сметаат дека 26 работни места во областа на градежништвото треба да бидат опфатени со бенифициран стаж.
- Невклучувањето на СГИП и прошуштањето на едно работно место од веќе изготвената анализа на Синдикатот за градежништгво, инсутрија и проектирање че направи голема неправда кон оваа категорија на работници, истакна Пешевски.
Според последните податоци на Државниот завод за статистика, моментално вкупниот број од секторот градежништво е 37.919 работници, а во индустријата на градежни материјали има околу 310 работници.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер