Силен земјотрес регистриран во југоисточен Иран

Земјотрес со интензитет од 6,1 степени според Рихтеровата скала е регистриран во реонот североисточно од иранскиот град Керман, административен центар на истоимената провинција.

Според американскиот Геофизички институт епицентарот на земјотресот бил на длабочина од 57 километри.

Се уште нема информации за евентуални човечки жртви и причинета материјална штета.

Во истиот регион на југоисточен Иран на 1 декември беше регистриран земјотрес со интензитет од шест степени. И тогаш немаше настрадани луѓе.