Си-Ен-Ен објави снимка од продажба на робови во Либија
Американската телевизијата Си-Ен-Ен емитуваше снимка од Либија на која е прикажано јавно наддавање за продажба двајца робови, кои веројатно дошле во Либија како мигранти од Нигерија.
На снимката, која била направена во август, се гледаат лицата на луѓето кои се понудени на продажба и се слуша како потенцијалните купувачи се наддаваат.
Цената на првиот понуден роб пораснала од 800 на 1.200 либиски динари (570 долари). Притоа продавачот го нуди како „добар работник на фарма“, додека другиот роб е понуден како „силен маж кој може да се користи за копање“.
По граѓанската војна, западната воена интервенција и падот на режимот на либискиот водач Моамер Гадафи, Либија стана главна транзитна земја за мигранти од Африка кои сакаат да пристигнат до Европа преку медитеранската рута.
Се проценува дека дел од мигрантите завршуваат на продажба на вакви аукции на кои се купуваат робови за потребите на поедници во Либија и соседните арапски држави.
Ново на Сител
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“