Штипски „Исар“ инвестира во комуналната хигиена во населбата „Три чешми“
Штипското јавно претпријатие „Исар“ ги расчисти сите диви депонии во проградската населба „Три чешми“. Директорот на ЈП „Исар“, Ангел Бојаџиев вели дека ќе обезбедат нови контејнери за несовесните граѓани да не создаваат повторно диви депонии.
- Деновиве планираме во населбата да поставиме нови најмалку пет метални контејнери за ѓубре. Тие ќе бидат поставени во самата населба, се со цел исфрлањето на смет на граѓаните да им биде олеснето, вели Бојаџиев.
Истакна дека во изминатиот период општина Штип и ЈП „Исар“ инвестирале во неколку инфраструктурни проекти во приградската населба „Три чешми“.
- Овде во населбата се асфалтираа шест улици, потоа се обнови патот до Сушево, каде ЈП „Исар“ долж него постави клупи и засади дрвца кои редовно ги одржува, рече Бојаџиев.
Апелира граѓаните да внимаваат и да го заштитат она што општината го има изградено со парите од буџетот на општината.
Ново на Сител
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово
-
Лични документи можат да се подигнат и во среда