Штипската „Пастрмајлијада“ завршува вечерва со концерт на Здравко Чолиќ
Градоначалникот на општина Штип, Илчо Захариев попладнево во својот кабинет ја прими групата „Рибја Чорба“, која синоќа ги забавуваше штипјани и гостите од цела земја на манифестацијата „Штипска Пастрмајлијада“. Бора Ѓоревиќ и неговиот бен два и пол часа ги забавуваа илјадниците гости на манифестацијата која го слави штипскиот гурмански бренд пастрмајлија.
- Драго ми е што пак сум тука, знаете јас сум чест гостин во Штип. Порано доаѓав сам и сето тоа е убава работа, но најубавата е секако концерт. Драго ми е што Штип се отвори и со оваа манифестација и дека токму ние имавме шанса да свириме на неа. Не е важно што мислам јас за свирката, важно е дека ниту еден човек кој синоќа беше тука не си замина незадоволен, рече Ѓорѓевиќ.
Тој не ја исклучува можснота и за анплагд концерт, но кажа дека има време, бидејќи веќе имаат закажано такви настани на други места меѓу кои и во Словенија.
Вечерва е финалето на 10. јубелијено издание на Пастрмалијадата и на неа како главна ѕвезда е балканската мега ѕвезда Здравко Чолиќ. Концертот официјално почнува во 23 часот. Штипскиот градоначалник Захариев вели дека вечерва се очекува уште поголем интерес од соседните градови и пошироко од Македонија, а локалната самоуправа со поддршка на сообраќајната полиција е подготвена да одговори на предизвикот.
Тој забележа дека засега никој не може да каже колку пастрмајлии се изедени или колку пијалок е испиено, но изминатите два дена локацијата Дујле е исполнета максимум, а сите места покрај штандовите се исполнети до последното место.
Комуналните редари и сообраќајната полиција вечерва на трите влезови во градот ќе даваат насоки на гостите кои ќе пристигнуваат од сите градови во земјава каде да се движат и да ги паркираат возилата, а на штипјани им се апелира да не ги користат своите возила за да пристигнат на кружниот тек „Дујле“, кај Градскиот стадион.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка