Шпанскиот Уставен суд го укина законот за референдум за независност на Каталонија

Шпанскиот Уставен суд го укина законот за референдум, кој вчера беше усвоен од каталонскиот Парламент, со што прекинува процедурата за одржување референдум за независност на автономната област на 1 октомври.

Спроведувањето на законот се стопира додека судиите го разгледуваат барањето од шпанската Влада за поништување на референдумот, бидејќи смета дека е неуставен. И покрај одлуката, каталонските власти велат дека гласањето ќе се одржи според планираното на 1-ви октомври.