Шпанскиот претставник: Денешниот настан не може да се нарече референдум
Претставникот на шпанската влада во Каталонија денеска ги пофали службите за безбедност дека дејствувале „професионално" за извршувањето на судското решение да се спречи референдум за отцепување на областа од Шпанија.
Делегатот на Мадрид во Барселона, Енрик Миљо и се заблагодари на Националната полиција и на Цивилната гарда за трудољубивоста „да бдеат над безбедноста на сите Каталонците и да ги гарантираат нивните права". Денешните настани во автономната област „никогаш не можат да бидат претставени како референдум или нешто слично", истакна Миљо.
Полицајците денеска пукаа со гумени куршуми во демонстрантите и навлегоа во избирачките места. Портпаролот на каталонската влада ги опиша овие акции како репресија и побара од Миљо да поднесе оставка.
Најмалку 50 лица се повредени во немирите, од кои 38 се здобија со полесни повреди во судирите со силите на редот во Каталонија, а има повредени и 11 полицајци.
Обвинителството на Шпанија ќе преземе мерки против „Мосос д'Ескуадра" (каталонската полиција), чии вработени не учествуваа во кампањата за спречување на референдумот за независност, пишува денеска шпанскиот весник „Паис".
Според извор од обвинителството, локалните полицајци не ја оправдаа довербата на судиите и обвинителите дека ќе ги исполнат нивните упатства.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка