Шојбле оценува дека обвинувањата против Германија се небулозни
Германскиот министер за финансии Волфганг Шојбле остро одовори на обвинувањата на дел од британскиот печат, според кои Германија е деструктивна економија со нечесни намери којашто ја поткопува стабилноста на Европската Унија.
Како што јавува дописникот на МИА од Берлин, во интервју за телевизијата Си-Ен-Би-Си запрашан за медиумските обвинувања дека неговата земја работи само за својот профит и ги игнорира интересите на своите партнери, германскиот министер одговорил со невообичаено приземен вокабулар.
- Има автори, дури и во Велика Британија кои што, со цела почит, пишуваат гомненици, изјавил Шојбле, пренесуваат германските медиуми.
Шојбле смета дека обвинувањата против Германија според кои таа е најголема закана за глобалната економија се неточни и неприфатливи за него.
Претходно, Шојбле ги отфрли и обвинувањата од Вашингтон од каде Германија беше обвинета дека ги злоупотребува трговските односи во ЕУ за исполнување на своите интереси, а новата админситрација се закани дека ќе воведе нови царини за германските производи кои преку Мексико и трети земји доаѓаат на американскиот пазар.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та