Шефот на холандската дипломатија поднесе оставка
Холандскиот министер за надворешни работи Халбе Зејлстра денеска поднесе оставка на функцијата, само еден ден откако призна дека лажел оти во 2006 година слушнал како рускиот претседател Владимир Путин рекол дека има план за создавање на „Голема Русија“.
Зејлстра ја соопшти оставката за време на дебата во Парламентот во Хаг, нагласувајќи дека неговиот авторитет бил урнат од признанието на лагата и затоа повеќе не може да остане на министерската функција.
- Тоа беше најголема грешка во мојата кариера. Не гледам друга можност освен да му ја врачам мојата оставка на неговото кралско височество, додаде Зејлстра.
Зејлстра вчера призна дека во 2016 година излажал кога изјавил дека десет години порано присуствувал на говор на Путин во кој рускиот претседател изјавил дека има план за создавање на „Голема Русија со анексија на Белорусија, Украина, балтичките држави и Казахстан“.
По оставката на Зејлстра, холандскиот премиер Марк Руте соопшти дека до изборот на негов наследник, функцијата шеф на дипломатијата времено ќе ја извршува министерската за надворешна трговија и развојна соработка Сигрид Каг.
Руте нагласи дека на неговата конзервативно-либерална Народната партија на слободата и демократијата (ВВД) ќе и треба извесно време за да најде замена за Зејлстра
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово