Северна Кореја поседува 1.000 тони хемиско оружје
Јужнокорејскиот министер за надворешни работи, Јунг Бјун-се, денеска изјави дека Северна Кореја располага со најмалку 1.000 тони опасно хемиско оружје, што е распоредено ширум земјата, јави „Раша тудеј“.
Министерот испрати апел до светските сили да извршат притисок врз Ким Џонг-ун, неколку дена откако неговиот полубрат беше убиен со хемиско оружје, а за нарачател на убиството беше обвинет токму севернокорејскиот лидер.
-Убиството на Ким Џонг-нам е повик до сите нас да се разбудиме и да сфатиме колку арсенал хемиско оружје поседува Северна Кореја, како и дека постои јасна намера да го употреби кога тоа ќе го смета за потребно, изјави министерот, а пренесуваат британските медиуми.
Шефот на јужнокорејската дипломатија, исто така, предупреди дека „меѓу купот хемиско оружје во Северна Кореја се наоѓа и нервниот агенс „ХV“, со кој е убиен полубратот на Ким Џонг-ун.
Овие тврдења се изнесени на конференцијата за разоружување на Обединетите нации во Женева, и тоа неколку дена откако Јужна Кореја ја потпиша спогодбата, според која на нејзина територија ќе биде распореден американскиот ракетен систем „ТHААD".
И Сеул и Вашингтон овој потег го опишаа како „одбрана од агресијата на Пјонгјанг".
Ново на Сител
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата
-
Повеќе скопски општини без струја