Северна и Јужна Кореја ги продолжија мировните преговори
Северна и Јужна Кореја денеска ги продолжија преговорите на највисоко ниво, со цел избегнување на вооружен судир на Корејскиот Полуостров.
Разговорите зад затворени врати, што во пограничното село Панунџом започнаа вчера, брзо по истекот на ултиматумот од Пјонгјанг до Сеул да прекине со емитување на прекугранична пропаганда, продолжија денеска во осум часот изутрина по средноевропско време.
Маратонската преговарачка средба траеше во саботата до длабоко во ноќта и прекината е во раните утрински часови без конечен договор.
На разговорите присуствуваа четири делегати, по два од двете страни, вклучително советници за национална безбедност на јужнокорејската претседателка и човекот што се смета за втор човек зад севернокорејскиот лидер Хван Понг Соа.
Севернокорејската народна армија, на наредба на лидерот Ким Џонг Ун, се наоѓа во полна вооружена и борбена готовност, а Министерството за надворешни работи на Пјонгјанг денеска предупреди дека ситуацијата се наоѓа на раб на војна и дека е тешко да се контролира.
Кризата на Корејскиот Полуостров настана откако неодамна Јужна Кореја преку 11 звучници започна да емитува програма, што содржи најнови вести од корејскиот полуостров и од светот, како и емисии во кои се фали демократијата и економскиот раст на Сеул во однос на репресивната политика на Пјонгјанг. Сеул одбива да ја исклучи пропагандата се додека Пјонгјанг не се извини за експлозијата на мини овој месец во кои двајца јужнокорејски војници, кои биле на патрола, се тешко повредени. Северна Кореја ги отфрла обвиненијата за експлозиите.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка