Сергеј Лавров следната недела во посета на Белград
Шефот на руската дипломатија Сергеј Лавров на 21 и 22 февруари ќе го посети Белград, по повод одбележувањето на 180-годишнината од воспоставувањето на дипломатските односи меѓу Србија и Русија, соопшти српското Министерство за надворешни работи.
Како што се наведува во соопштението, Лавров доаѓа во Белград на покана на шефот на српската дипломатија Ивица Дачиќ.
По повод утрешниот празник - Ден на државноста на Србија, Лавров упати писмото со честитки до Дачиќ во кое се наведува дека е убеден оти „воспоставената вековна традиција на пријателство и взаемна поддршка, која и сега е од фундаментално значење, ќе придонесе неизмерно за натамошно продлабочување на билатералните врски во сите области“.
- Ова целосно одговара на интересите на народите од Русија и Србија, а придонесува и за зајакнување на безбедноста во балканскиот регион, додава Лавров во пораката.
На денешната средба на српскиот претседател Александар Вучиќ со рускиот амбасадор во Белград Александар Чепурин, на која му го врачи писмото со честитки за Денот на државноста од шефот на руската држава Владимир Путин, е оценето дека престојната посета на Лавров на Белград „ќе даде силна потврда за цврстото пријателство меѓу двете земји и ќе ги одреди приоритетите на идната соработка“.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО