Тенис
20. April 2017 - 12:59

Серена Вилијамс по породувањето ќе се врати на теренот

 

 Американката Серена Вилијамс ќе се врати на професионалниот тенис по породувањето и ќе продолжи да игра на 36-годишна возраст.

Вилијамс која има 23 гренд слем титули, вчера преку социјалните мрежи објави дека ја заврши сезоната поради бременост, но од нејзиниот тим порачаа дека тоа не е крај на нејзината кариера.

- Серена веќе го прави распоредот за почетокот на 2018 година, изјави ПР менаџерката Кели Новак.

Интересно е тоа што Вилијамс на породилна пауза оди од првото место на светската ранг-листа следната недела, а ќе ја сочува својата позиција според посебното правило на ВТА ако одигра турнир 12 месеци од породувањето.

Во јули се очекува враќање на тениските терени на Викторија Азаренка, која минатиот декември се породи, а претходно тоа го стори и Ким Клајстерс.

Ново на Сител