-->
-->
Сепак во Челзи има конфликт?!
-->
Довчерашниот менаџер на Челзи, Жозе Мурињо, добил отказ откако влегол во конфликт со играчите, тврди техничкиот директор на ’сините’, Мајкл Еменало. Актуелниот англиски шампион, во четвртокот, објави дека клубот и Мурињо спогодбено го раскинале договорот.
Еменало, кој од 2010 година е во клубот, во интервју за клупската телевизија соопштил некои интересни информации.
„Се што се случи во четвртокот јасно кажува дека одлуката не е донесена со предумисла. Одлуката е донесена за да се заштитат клупските интереси“, рекол Еменало одговарајќи на прашањето зошто токму во четврток е донесена одлуката за смена на Муруњо.
Техничкиот директор на Челзи признал дека уште од почетокот на сезоната било забележливо дека постои раздор помеѓу менаџерот и фудбалерите.
„Резултатите не се добри, јасно е дека постои раздор помеѓу менаџерот и играчите, поради тоа моравме да реагираме. Сите кои го сакаат клубот, кои чувствуваат приврзаност, мора да разберат дека клубот беше во лоша ситуација е дека моравме да реагираме“.
Во интервјуто Еменало им дал целосна поддршка на играчите, потенцирајќи дека тие немаат никава врска со отказот кој го доби Мурињо.
„Ова е истата онаа група на фудбалери кои минатата сезона ја освоија Премиерлигата и Лига купот. Сите знаеме дека играчите имаат одговорност да излезат на теренот и да им покажат на скептиците дека грешат, односно тие мора да покажат одредено ниво на посветеност кон донесената одлука и мора да му помогнат на клубот да напредува. Тоа тие мора да го направат, тоа од нив се очекува и се верува дека тие цело ова време се обидуваа тоа да го прават“, истакнал Еменало.
Актуелниот шампион на Англија, Челзи во 16 натпревари во Премиерлигата има доживеано девет порази, поради што се наоѓа на 16-то место на табелата со 15 бодови, 20 помалку од лидерот Лестер.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово