Сенатори бараат конгресна комисија да ги истражи кибер нападите на странски држави врз САД
Американски сенатори, и републиканци и демократи, побараа формирање специјална конгресна двопартиска комисија, која ке ги истражи кибер нападите извршувани врз САД од странски држави и конкретно обидите на Русија да влијае врз претседателските избори.
Чарлс Шумер, кој од јануари ќе биде лидер на демократите во Сенатот во новиот Конгрес и републиканецот Џон Меккејн, претседател на сенатската комисија за вооружени сили, изјавија вчера дека е неопходно специјална конгресна комисија да спроведе истрага на хакерските напади врз електронската комуникација на Демократската партија во предизборната кампања.
- Фактот дека тие се обидоа да го нападнат нашиот политички систем и се обидоа да влијаат врз изборниот резултат го сметам за нешто мошне сериозно, рече сенаторот Чарлс Шумер пред новинарите во Њујорк.
Тој додаде дека комисијата треба да ги истражи и хакерските напади врз други земји, како Кина и Иран.
Шумер и уште тројца сенатори, републиканците Џон Меккејн и Линдзи Греам и демократот Џек Рид испратија писмо до лидерот на републиканците во Сенатот Мич Мекконол, во кое побараа да биде составена специјална истражна комисија.
- Информациите за руското мешање во нашите избори треба да го загрижат секој Американец. Кибер безбедноста е најголемиот предизвик за судскиот систем и ние треба да ги преземеме сите мерки да се справиме ефективно со него, напишаа четворицата сенатори во писмото.
Новоизбраниот претседател Доналд Трамп се разлути на овие тврдења и нагласи дека чесно ги добил изборите.
Руски претставници ги отфрлија обвиненијата за мешање во изборниот процес на САД.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово