Ракомет
19. September 2017 - 23:05

СЕХА: Вардар без проблеми го совлада Татран Прешов

Ракометарите на Вардар без проблеми ја запишаа четвртата победа во СЕХА лигата откако вечерва го победија Татран Прешов со 32:28. Вардарци имаа водство во текот на целиот натпревар, а на десет минути имаше и највисока предност од 28:19 и 29:20. Со по четири голови најефикасни беа: Рожерио Мораеш, Игор Карачиќ, Лука Циндриќ, Данил Шишкарев и Вуко Борозан, додека на голот Даниел Ѓорѓески имаше осум одбрани.
На денешниот дуел тренерот Раул Гонзалез ги одмори Кањелас и Кристопанс.
 
На другите два натпревара одиграни денеска: Загреб - Цеље 25:25 и Мешков Брест - Динамо Панчево 29:26.
Утре играат: Војводина - Металург и Нексе - Горење.
 
Табела: Вардар 12 бода, Загреб 7, Цеље 7, Металург 6, Татран Прешов 6, Мешков Брест 6, Горење 3, Нексе 3, Динамо панчево 3, Војводина 0.