Ракомет
18. October 2017 - 20:37

СЕХА: Металург немоќен дома против Горење

Ракометарите на Металург запишаа нов пораз во СЕХА лигата откако вечерва во натпревар од 6.коло загубија на домашен терен од Горење со 24:29 (14:16).
 
Во поголемиот дел од натпреварот гостите имаа водство, а Металург успеваше да фати резултатски приклучок. Последното водство Металург го имаше во 52.минута (23:22), но до крајот на дуелот Горење направи серија од 7:1 за втора победа сезонава во СЕХА лигата.
Најефикасен на дуелот беше Халил Јагањац со 6 голови, а кај Горење Грегор Поточник постигна 5 голови. Гостинскиот голамн Клемен Ферлин имаше 9 одбрани.
Двете екипи настапија ослабени Филип Кузмановски фалеше кај Металург, а Матјаж Брумен и Алем Тоскиќ кај Горење. 
 
На првиот натпревар одигран денеска Војводина - Мешков Брест 27:36.
Табела: Вардар 15 бодови, Мешков Брест 12, Загреб 10, Цеље 10, Татран Прешов 9, Горење 7,Металург 6, Нексе 4, Војводина 3, Динамо Панчево 3.