Седници на три собраниски комисии
Во Собранието на Република Македонија денеска седници ќе одржат комисиите за европски прашања, за транспорт, врски и екологија и за еднакви можности на мажите и жените.
Собраниската Комисија за европски прашања ќе ја одржи првата седница на која е најавено обраќање на евроамбасадорот Самуел Жбогар и заменик-претседателот на Владата задолжен за европски прашања Бујар Османи.
На дневен ред на седницата се Извештајот на Европската комисија за Република Македонија за 2016 година, заедно со заклучоците и препораките од Стратегијата за проширување на ЕУ за 2016 година.
На седницата ќе се расправа и за Резолуцијата на Европскиот парламент од 14 јуни 2017 година за Извештајот на Комисијата за Република Македонија за 2016 година.
Со Комисијата ќе претседава пратеникот Артан Груби, а како што најавуваат оттаму, на седницата поканети се претставници на граѓанскиот сектор и дипломатскиот кор со цел поголема транспаретност и отчетност на Комисијата.
На дневен ред на Комисијата за еднакви можности на мажите и жените се извештаите од истражувањата на третманот на родовите прашања и на прикажувањето и претставувањето на жените и на мажите во програмите на радиодифузерите во 2016 година, додека Комисијата за транспорт, врски и екологија ќе ги разгледа извештаите за работата на агенциите од железничкиот сектор и електронските комуникации.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање