Седницата на албанскиот Парламент со многу кавги и навреди
Првиот човек на албанскиот Парламент, Грамоз Ручи ја прекина денешната парламентарна седница по жестоките реплики и навреди, особено меѓу актуелниот премиер Еди Рама, поранешниот претседател на Албанија, Сали Бериша и пратеникот Фљамур Нока.
По дискусијата на Бериша полна со тешки обвинувања искажани за поранешниот министер за внтарешни работи Саимир Тахири за вмешаност во трговија со дрога, Рама со остар тон и навредливи зборови му се обрати на поранешниот претседател.
Токму зборот „лазоре“, со кој Рама го именуваше Бериша, ја прелеа чашата и ја зовре атмосферата во Парламентот, по што пратеникот Нока упати пцовки и навреди кон премиерот и се обиде да го спречи неговото обраќање, поради што интервенраше и обезбедувањето и го отстрани од собраниската сала.
Зборот „лазоре“ означува запуштена жена, која не се бања, не се чешла и лошо се облекува.
Инаку, расправата во Парламентот беше посветена на поплавите што ја погодија земјата на почетокот на месецов, но таа излезе од контрола.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење