Се запали куќата на пожарникар - Драма за семејство во Тетово
Поголема материјална штета, но без човечки жртви е последицата од пожарот што денеска околу 11 часот и 30 минути избувнал во поткровјето и горниот спрат од куќата на семејството Сулејмани на улицата „Ленинска“ во Тетово, информираа од тетовската противпожарна единица.
Веднаш интервенирале три возила и 17 пожарникари, а меѓу нив бил и сопственикот на куќата кој бил пожарникар Бесир Сулејмани. За кусо време пожарот бил изгаснат меѓутоа од огнот што најверојатно избил во оџакот веќе бил зафатен покривот и горниот спрат со целата покуќнина.
- Јас и татко ми бевме на работа додека другите четирите мали деца , мајка ми и жена ми беа тука но фала на господ успеаја да излезат, рече Бесир Сулејмани.
Во гасењето на пожарот освен пожарникарите што биле на иста смена со Бесир солидарно се вклучиле и голем број негови колеги од другите смени.
- Материјалната штета е огромна но среќа во оваа несреќа е што немаме повредени ниту од тие што живееле тука ниту од пожарникарите што учествуваа во гасењето на пожарот. Куќата е на наш колега и ете се случува, пожарот не бира и ете случајно се погоди тој самиот да е на смена кога се појавил пожарот во неговата куќа. Со нашата брза интервенција ги спречивме пламените јазици да се прошират и на другите објекти бидејќи во населбата куќите се многу блиску една до друга, изјави командантот на тетовската противпожарна единица Ука Алити.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина