Се гради инфраструктурата во пробиштпската Индустриска зона 75
Во тек е пробивањето на нови улици и изградба на нова водоводна и канализациска мрежа во Индустриската зона 75 во општина Пробиштип. Градоначалникот на општина Пробиштип, Тони Тоневски вели дека проектот се реализира на барање на граѓаните, согласно Програмата за работа на општината за 2017 година.
Деталниот урбанистички план за оваа индустриска зона, која е наменета за лесна и незагадувачка индустрија, предвидува 17 градежни парцели за изградба на комерцијално-деловни објекти, станбени згради и куќи.
- Се работи интензивно на пробивање и тампонирање на улици. Со овој проект се опфатени неколку помали улички, поврзување меѓу нив и две главни сообраќајници, кои што првпат се пробиваат во овој дел од градот. Овде веќе имаме направено нов Детален урбанистички план кој што опфаќа повеќе парцели, изјави Тоневски.
Тој истакна дека со изградбата на инфраструктурата општината создава услови инвеститорите веднаш да ги градат своите објекти. Ова е првата фаза од проектот која чини околу пет милиони денари. Средствата се обезбедени од буџетот на општина Пробиштип, а за наредната година се предвидува и асфлатирање на новите улици и сообраќајници, кои се со должина од речеси еден километар.
Ново на Сител
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара