СДСМ најави промена во функционирањето на Собранието
Потпретседателката на СДСМ Радмила Шекеринска денеска најави дека планираат да го променат начинот на којшто досега функционираше Собранието на Република Македонија.
- Според нашиот план ќе ги обврземе сите матични комисии во Собранието на Република Македонија задолжително да се отворат кон невладините организации, коморите, синдикатите и тоа не само за дебати по закони, туку исто така и за надзорните расправи, истакна Шекеринска на прес-конференција.
СДСМ планира пратениците да се бираат преку отворени листи, да се ограничи употребата на носење на законите по скратена постапка, претседателот на Собранието еднаш годишно да реферира пред законодавно-правната комисија за тоа колку често се користеле скратените постапки и да се ревидира начинот на исплата на патните трошоци за пратениците кои живеат надвор од Скопје.
- Сметаме дека само со вакви мерки ќе можеме да ја вратиме силата, значењето и довербата во Собранието на Република Македонија. Само на таков начин ќе имаме силно собрание кое ќе биде во состојба да ја контролира извршната власт, рече Шекеринска.
Ново на Сител
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп