СДСМ: Ќе има одговорност за крвавото насилство во Парламентот

СДСМ во пишаното соопштение до медиумите наведува дека ќе одговараат за загрозување животи сите кои учествуваа во вечерашното насилство во Парламентот.

- Крвавото насилство во Парламентот е резултат на насилието на кое што изминатиот период повикуваше Никола Груевски, како и провокациите, омразата, поделбите поттикнати од Груевски, Ѓорге Иванов, Трајко Вељаноски, пратеничката група на ВМРО-ДПМНЕ и нивните соработници и поддржувачи, се наведува во соопштението.

Од СДСМ посочуваат дека сериозно се повредени пратеници, претставници на граѓаните што, како што додаваат, „е врв на нецивилизираниот однос на овие луѓе кои се подготвени да жртвуваат се за да се обидат да избегнат одговорност“.