Свет
10. November 2016 - 8:40

Сандерс е подоготвен да соработува со Трамп

Демократскиот кандидат, кој отпадна во прелиминарните претседателски избори во САД, Берни Сандерс, и предизвика илјадници млади луѓе со повикот за политичка револуција, ветувајќи бесплатно високо образование и здравствено осигурување за сите, изрази подготвеност за соработка со новиот претседател Доналд Трамп по одредени прашања, ако тој навистина сака подобар живот за работничките семејства. 

- Доналд Трамп го користи гневот на западната средна класа, на која и е доста од економијата на врхушката, политиката на врхушката и медиумите на врхушката, истакна независниот сенатор.

- Ако Трамп навистина планира да води политика за подобрување на животот на работниците во земјата, јас и другите лица кои се прогресивно настроени, сме подготвени да соработуваме со него, објасни Сандерс. 

- Сепак, ако тој одлучи да води расистичка, сексистичка, ксенофобична и антиеколошка политика, ние ќе му дадеме енергичен отпор, предупреди тој. 

- На луѓето им е доста да работат повеќе, а да заработуваат помалку, да гледаат како работниците заминуваат во Кина и други земји со ниска заработувачка, да не можат да го платат високото образование на нивните деца, милијардерите да не ги плаќаат федералните даноци и сето тоа, за да можат богатите да се збогатат уште повеќе, потенцира Сандерс.