Самостојна изложба на Евгениј Пантев
Графичарот Евгениј Пантев вечер ќе има самостојна изложба во Националната галерија на Македонија, објект Мала станица.
- Авторот со строги канони и ставови, верен на традиционалните графички техники, особено сува игла, е во постојано испитување и истражување во обликувањето на просторот и материјалот, при што настануваат дела со разновидност и разномерност. Оттука и овие облик-знак, знак-симбол или симбол-облик, поставени во имагинарни и симболични простори во неговата душа, на неговата духовна иконографија. Чувството е големо штом делата на вредната рака, смелоста и мечтата ги опфатиш со поглед, пишува Љупчо Маленков за изложбата.
Евгениј Пантев е роден во 1966 година во Софија, Бугарија. Дипломирал на одделот за графика и графички дизајн на Факултетот за ликовни уметности во Скопје. Тој е магистер по ликовни уметности –област графика.
Своето богато ликовно творештво досега Пантев го има споделено со широката публика и љубителите на уметноста преку голем број самостојни изложби во земјава. Учествувал на повеќе од 100 национални и меѓународни групни графички изложби, биенални и триенални во Македонија, Бугарија, Србија, Босна и Херцеговина, Хрватска, Романија, Грција, Турција, Шпанија, Португалија, Франција, Англија, Белгија, Холандија, Италија, Полска, Литванија, Англија, Египет, Канада, Јапонија, Кина, Русија, САД...
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж