Самит на малите земји - нови трендови во бизнисот
Стопанската комора на Македонија најавува конференција за современите трендови во бизнисот како „блокчеин“ технологијата, „краудфандинг“ моделите на алтернативно финансирање, роботиката и автоматизацијата, иднината на „крипто-светот“, но и етичката страна на дигиталниот пазар.
Конференцијата на тема „Самит на малите земји - нови трендови во бизнисот“, ќе се одржи овој петок во Скопје, а поканети се претставници од приватниот сектор, државата и научната фела.
Акцентот на дискусијата, освен на дигитализацијата, ќе биде ставен и на меѓународните бизнис релации, како и на „старт-ап“ иновативните бизниси.
- Имплементацијата на новата технологија во работењето на компаниите од т.н. мали земји им нуди неограничени можности. Достапноста до светскиот пазар ги доведува во скоро еднаква позиција со најголемите играчи во секторот и придонесува за зголемување на нивната конкурентност, велат од Комората и додаваат дека зголемената конкуренција на глобалниот пазар бара соодветна реакција од компаниите и нивно постојано приспособување на новиот начин на работа.
Од конференцијата се очекуваат конкретни заклучоци.
- Целта е да предочиме на новите трендови во бизнисот, како и на приспособувањето на современите услови со цел континуиран пазарен успех. Конференцијата треба да придонесе за подобрување на бизнис врските преку користење современа технологија, како и визија за правецот на движење на бизнис секторот во иднина, со посебен акцент на „краудфандинг“ моделите и иднината на „крипто-светот“, како и на етичките аспекти од воведувањето на новите технологии во бизнисот, потенцираат од Стопанската комора.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово