САД загрижени поради притисокот врз медиумите во Турција
Белата куќа синоќа изрази „длабока загриженост“ поради „притисокот и заплашувањето“ на новинарите за време на кампањата за парламентарните избори во Турција, на кои убидлива победа оствари Партијата на правдата и развојот на турскиот претседател Реџеп Тајип Ердоган.
Портпаролот на Белата куќа, Џош Ернест изјави дека американската Администрација е „длабоко загрижена затоа што новинарите и медиумите, кои се критички настроени кон Владата, биле предмет на притисоци и заплашувања во текот на кампањата“.
- И јавно и приватно ја изразивме нашата загриженост во врска со слободата на печатот и изразувањето и слободата на собирање во Турција, изјави Ернест, упатувајќи апел до турските власти за почитување на универзалните демократски вредности.
Критиките од Вашингтон кон Турција доаѓаат на само неколку недели пред планираната средба на Ердоган со американскиот претседател Барак Обама во Анкара.
Меѓународните набљудувачи оценија дека на изборите во неделата во Турција на гласачите им биле понуден „разновиден избор на партии“, но дека целиот изборен процес бил оптоварен со тешката безбедносна ситуација, инциденти со насилство и медиумски ограничувања“.
- Изборната кампања ја одбележаа неправда, страв и насилство. Слабиот избор на медиумски извештаи и ограничената слобода на изразување негативно влијаеја на целиот процес и претставуваат причина за загриженост, оцени раководителот на набљудувачката мисија на ОБСЕ, Игнасио Санчез Амор.
Ново на Сител
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење