САД водат истрага за Дојче банка поради наводно перење на пари од Русија
Американските власти ја истражуваат германската Дојче банка поради наводно перење на пари од Русија.
Истражниот центар на државата Њујорк ги испитува трансакциите вредни милијарди долари и се претпоставува дека станува збор за пари кои незаконски се префрлени од Русија.
Њујоршкиот оддел за финансиски услуги ја започна истрагата за Дојче банка на почетокот на летово. Според него, руски клиенти неуспешно се обидувале да ги поткупат вработените во Дојче банка во Москва, за да го прикријат потеклото на нивните пари.
- Го поддржуваме учеството во меѓународните напори за откривање и борбата против сомнителните активности и преземаме акција да пронајдеме докази за лошото работење, изјави портпаролка на банката.
Дојче банка ги информирала регулаторните тела во Велика Британија и Германија за својата внатрешна истрага на трансакциите во рускиот оддел од 2011 до 2015 година. Во Њујорк се сомневаат дека хартиите од вредност купени во Москва, паралелно во Лондон, преку Дојче банка, биле разменувани за меѓународни валути.
Центрите истражуваат дали трансакциите, наречени „огледало на трговијата“, им дозволувале на клиентите да префрлаат од Русија големо количество на пари, прикривајќи го неговото потекло.
Ново на Сител
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка