САД во борбите во Мосул користат хеликоптери „Апачи“
САД ги активирале своите напаѓачки хеликоптери „Апачи“ во битката за освојување на ирачкиот град Мосул, што минатиот месец ја почнаа ирачките сили, пренесоа француските медиуми, цитирајќи го портпаролот на Пентагон Питер Кук.
Хеликоптерите биле искористени во градот за уништување на автомобили наполнети со експлозиви, што исламистите самоубијци ги користат за напади врз ирачките сили.
САД, меѓутоа, имаат само десетина такви хеликоптери во Ирак, наведуваат од Пентагон.
Пред Мосул овој тип хеликоптери беа користени во одделни операции против џихадистите, посебно во текот на јуни во долината на реката Тигар.
Хеликоптерите „Апачи“ летаат на ниска височина и се побавни од ловците и бомбардерите. На тој начин тие се многу поранливи и кај нив се зголемува ризикот за човечки жртви.
Употребата на „Апачи“ во битката за Мосул покажува какви ризици презел американскиот претседател Барак Обама со цел да ја уништи организацијата Исламска држава.
Портпаролот на Пентагон, исто така, кажа дека САД се подготвени да изведат нови воздушни напади врз борците на ИД во либискиот град Сирт, доколку либиската Влада, која е поддржана од ОН, тоа го побара од нив, пренесоа британските медиуми.
Од август до сега САД извеле над 350 воздушни напади врз ИД во Сирт на барање на либиската Влада. Напади, меѓутоа, веќе не се изведувани од крајот на октомври.
ИД ја презеде целосната контрола врз Сирт на почетокот на 2015 година.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација