САД, Британија и Германија водечки земји на потекло на кибер нападите
САД, Велика Британија и Германија се водечки земји во светот од каде доаѓаат т.н. ДДОС кибер напади, чија цел е да се оневозможи давање на одредени интернет и други видови услуги, покажува извештајот на американската компанија за интернет технологии „Акамаи“.
Според последниот извештај на компанијата, кој го опфаќа периодот октомври-декември 2016 година, во тој квартал светот е забележан раст на кибер нападите за четири отсто, а најголем дел од нив потекнувале од САД (24 проценти), Велика Британија (10 отсто) и Германија (седум проценти).
Како што јави дописникот на МИА од Берлин, за разлика од периодот јануари-септември минатата година, кога главен извор на ДДОС кибер напади во светот беа кинеските хакери, во последниот квартал според Извештајот за интернет безбедност на „Акамаи“, Кина е рангирана на четврто место со 6 отсто упади.
Русија за која германските и американските власти постојано тврдат дека помага или дозволува од нејзина територија да се вршат кибер напади е на петто место на листата на со 4,4 отсто од кибер нападите.
Владите во Вашингтон и Берлин тврдат дека хакери поврзани со руската Влада успеале да влијаат на резултатите од претседателските избори во САД, а сега се подготуваат да влијаат и на сојузните избори во Германија во септември.
На листата на земји од каде што доаѓаат ДДОС нападите за цела 2016 година води Кина, пред САД, по што следуваат Турција и Велика Британија.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација