Руско МНР: Русија и Турција ги сметаат преговорите за единствен начин да се реши кризата во Сирија
Министрите за надворешни работи на Русија и Турција, Сергеј Лавров и Мевлут Чавушоглу сметаат дека преговарачкиот процес е безалтернативен пат за решавање на ситуацијата во Сирија, соопшти руското МНР по телефонскиот разговор меѓу двајцата министри, јави ТАСС.
- Од двете страни беше истакнато дека продолжувањето на меѓусирискиот преговарачки процес нема алтернатива и е единствениот пат за постигнување мир во Сирија, се вели во соопштението на руското Министерство.
Во разговорот Сергеј Лавров истакнал дека нападот на САД на сирискиот аеродром во близина на Хомс ги поткопува напорите на Москва и Анкара за решавање на сириската криза.
- Сергеј Лавров истакна дека ваква манифестација на агресија е недозволива и може уште повеќе да ја компликува и онака веќе напнатата ситуација и воедно ги поткопува преземените од Русија и Турција напори за мирно решавање на сириската криза.
Тие ја потенцираа важноста на една објективна, непристрасна истрага на сите околности на трагичните настани во Кан Шејхун, како и на претходните случаи на употреба на хемиско оружје од страна на борци од терористички организации, соопшти руското МО.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација