Руско-американска средба за украинската криза во Белград
Во Белград денеска ќе се одржи средба на специјалниот пратеник на САД за Донбас, Курт Волкер и помошникот на рускиот претседател Владислав Сурков, посветана на кризата во источна Украина.
Волкер во изјава за Гласот на Америка соопшти дека главна тема на разговорите ќе биде имплементацијата на Договорот од Минск.
- Ќе се сретнам со помошникот претседател на Русија во Белград, за да разговараме за побрза имплементација на (договорот од) Минск и за обновување на територијалниот интегритет на Украина“, наведе Волкер.
Со Договорот од Минск, склучен во 2015 година, се предвидува прекин на огнот во источниот дел на Украина и натамошни чекори за запирање на судирите, но во голем дел не е спроведен.
На средбата се очекува да се разговараат и за рускиот предлог за распоредување мировници на ОН во зоната на конфликтот во Донбас.
Рускиот претседател Владимир Путин неодамна предложи разместување на мировници на ОН, со задача да ги штитат членовите на Мисијата на ОБСЕ, кои вршат мониторинг на линиите на разграничување меѓу проруските сепаратисти и украинските владини сили.
Ова ќе биде втора средба меѓу Волкер и Сурков за разрешување на воениот конфликт во Донбас.
Вашингтон ја обвинува Русија дека не го почитува договорот од Минск за запирање на вооружените дејства и тврди дека се потребни дополнителни гаранции за преодниот процес, во кој Украина треба да ја преземе контролата врз териториите што сега ги држат проруските сепаратисти.
Од друга страна, Москва бара усвојување на патокази за прекин на непријателствата во Донбас, нагласувајќи дека е против отцепување на регионот од Украина.
Лидерите на сепаратистите во Доњецк и Луганск, од своја страна, инсистираат на официјализација на рускиот јазик, спроведување на процес на демилитаризација, како и добивање на широка политичка и фискална автономија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово