Руските напади во Сирија се поретко се насочени кон ИД

Руските бомбардирања во Сирија се поретко се насочени кон Исламската држава (ИД), покажуваат анализите на „ИХС“, според кои Русија не е загрижена толку за тероризмот колку за помошта на сирискиот режим. 

Во првото тромесечје на 2016 година, 26 проценти од руските бомбардирања биле насочени кон ИД, во второто тромесечје се намалиле на 22 проценти, а во третото на 17 проценти, посочува оделот на „ИХС“ за проучување на конфликтите во Ирак и Сирија. 

- Претходно, претседателот Владимир Путин изјави дека мисијата на Русија е да се бори со меѓународниот тероризам и посебно со ИД, напомена Алекс Кокчаров, анализатор од „ИХС“. 

- Податоците ни покажуваат дека не е така. Приоритет за Русија е да обезбеди воена помош за Владата на Асад и цели да ја претвори граѓанската војна во Сирија, од повеќестран во двостран конфликт меѓу сириската Влада и ИД, забележа Кокчаров. 

- Тоа ја ослабнува можноста да се обезбеди меѓународна помош за опозицијата, истакна експертот. 

„ИХС“ истоврено објави дека територијата која е под контрола на ИД се намалила за 16 отсто.