Рускиот амбасадор Олег Шчербак во посета на Штипскиот универзитет
Амбасадорот на Руската Федерација во Македонија, Олег Шчербак денеска го посети Универзитетот „Гоце Делчев“ во Штип, каде се сретна со ректорот Блажо Боев.
На средбата Шчербак истакнал дека деновиве амбасадата распишала конкурс за доделување 35 стипендии за студентите од Македонија кои сакаат да студираат во Руската федерација.
- Станува збор за бесплатни стипендии за студирање во Руската федерација, како за додипломски, така и за постдипломски студии. Тоа е многу важно, бидејќи станува збор за подготовка на специјалисти од сфери кои се многу барани во економијата и индустријата во Република Македонија, рече Шчербак.
Рускиот амбасадор и Боев разговарале и за изучување на рускиот јазик на Универзитетот „Гоце Делчев“ и за одржување на заеднички работилници од повеќе области.
- Од страна на амбасадорот на Руската Федерација беа отворени повеќе прашања во поглед на таа идна соработка, во делот на доделување на стипендии, во делот на наши докторанти, наши постдипломци да заминат на универзитети во Русија, а од друга страна беа покренати активности во делот на промоцијата на културата и на рускиот јазик, кои можат да се најдат во рамките на нашите активности на Универзитетот, рече Боев.
Шчербак денеска оствари средба и со декани на неколку штипски факултети на која станало збор за идната соработка и активности.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО