Свет
19. September 2016 - 9:07

Русија регистрирала 50 случаи на кршење на примирјето во Сирија

Русија регистрирала 50 случаи на кршење на договорот за прекин на огнот во Сирија во последните 24 часа, соопшти руското Министерство за одбрана.

Непочитување на договорот е регистрирано во сириските провинции Алепо, Дамаск, Хама, Латакија, Хомс и Дара.

САД и Русија претходно овој месец склучија договор за прекин на огнот и испорака на хуманитарна помош за Сирија.

Москва и Вашингтон, исто така, планираат да соработуваат во борбата против терористите, вклучувајќи ја и џихадистичката група Исламска држава.