Рио 2016: Олимпијадата не почната, а веќе соборен првиот Светски рекорд

 

 

 Иако официјално 31-те Летни олимписки игри ќе започнат по свечената церемонија на отворањето, ноќеска по 1 часот, веќе во Рио е соборен првиот Светски рекорд. 

 

Вујин Ким од Јужна Кореја постави нов Светски и Олимписки рекорд во стрелање со лак и стрела во поединечна (машка) конкуренција. 

 

Во денешните квалификации Ким оствари резултат од 700-ни погодени кругови што претставува нов Светски и Олимписки рекорд во оваа дисциплина, со што пак Кореецот се наметна како главен фаворит за златниот медал. 

 

Негов конкурент ќе биде Американецот Брадли Елисон кој имаше послаб резултат за само 10 кругови. 

 

Финалните натпревари ќе се одржат на првиот официјален ден на игрите.