Револуционерни песни и фадо на ОФФест
На ОФФест вечер во Македонскиот народен театар настапуваат „Бела Чао“ и Жизела Жоао од Португалија.
Неколкуте познати пејачки ѕвезди од Италија, членови на „Бела Чао“, ќе изведат дел од циклусот антифашистички, револуционери, слободумни песни од 1960-тите. Новиот, поинаков, иновативен аранжман е на хармоникашот Рикардо Теси, еден од најбрилијантните протагонисти на традиционалната музика во Италија. Во составот покрај Теси се и гитаристот Маурицио Гери, перкусионистот Џиџи Бјолкати, како и солистите Лучија Галеаци, Луиза Котифољи, Елена Леда и Алесио Лега.
Преку пораките за мир и граѓанско општество, песните од циклусот Бела Чао, не само што ја задржале својата нагласена моќ, туку во себе носат и нов императив во глобализираниот свет.
По „Бела Чао“ е концертот на Жизела Жоао, вокалистката со страстен глас, една од најважните интерпретатори на фадото денес.
Жоао го објави деби албумот во 2013 година, а нејзиното последно издание „Nua“ беше во 2016-та. Од тивка меланхолија, еруптивен и суров климакс, таа создава драма, возбудливо и застрашувачко емотивно патешествие.
Утре фестивалот се сели во Младинскиот културен центар, каде што во Денсинг салата ќе настапи виолинистката и пејачка од Естонија Марја Нут, а по неа е настапот на корејската група „Блек Стринг“ која негува спој на традиционална и современа музика со типични корејски инструменти, како геомунго и бамбусови флејти.
Саботната вечер ќе заврши со полноќен концерт во клубот „Станица 26“ на познатото диџејско дуо „Ден Сорте Сколе“ од Данска.
ОФФест почна синоќа, со соло-настап на Дамир Имамовиќ од Босна, најпознатиот изведувач на севдах кој е и интернационално афирмиран, а по него македонскиот етносостав „Љубојна“ го промовираше новиот, деветти албум „Радио Љубојна“.
Ново на Сител
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228
-
ДИК: Oд обработени 63,59% oд гласовите Силјановска Давкова 214.560, Пендаровски 105.593
-
ДИК: Oд обработени 59.59% oд гласовите Силјановска Давкова 197.741 - Пендаровски 97.592
-
Двојна предност на Силјановска пред Пендаровски од 50,3% обработени гласа
-
ДИК: 46,36% oбработени
-
ВМРО-ДПМНЕ: Обработени 13,44% од гласовите - Силјановска Давкова 109.692, Пендаровски 48.553
-
Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера