Ревизијата на Агрокор покажа големи загуби на Конзум
Ревизорскиот извештај покажa дека во малопродажниот дел на Агрокор лани се остварени нето загуби од 2,2 милијарди куни (293 милиони евра) од кои 1,9 милијарди куни во Конзум (253 милиони евра). Тоа го изјави стечајниот управник во Агрокор, Анте Рамљак, претставувајќи ги резултатите на компанијата.
Во малопродажниот сегмент ревизијата ги опфатила „Конзум“ и „Тисак,“ а вкупниот негативен ефект во 2015 и 2016 година во тој сегмент бил 2,5 милијарди куни, наведе Рамљак.
Тој истакна дека загубите на вредноста по компаниите би биле многу поголеми доколку не се донел „Лекс (Lex) Агрокор“. Рамљак соопшти дека некои работи биле погрешно книжени и во 2015 година, поради што правеле ревизија и за таа година.
- Во 2015 година Конзум, официјално имал профит од 215 милиони куни (28,7 милиони евра), но вистинската загуба на Конзум е милијарда и 400 милиони куни (187 милиони евра), истакна Рамљак, дополнувајќи дека разликата се гледа и во другите фирми од овој концерн.
Ревизорскиот извештај за најзначајните фирми на Агрокор покажуваат дека вкупната загуба изнесувала 3,2 милијарди куни (427,5 милиони евра).
Опсегот на ревизијата на Агрокор опфаќа 27 друштва, кои се обврзани на законски ревизии во Хрватска, три друштва во Србија и три друштва во Босна и Херцеговина, при што се опфатени 99 отсто од вкупниот приход, односно 98 проценти од групната добивка за 2016 година.
Рамљак најави дека в понеделник ќе биде објавено колкава е вкупната загуба на групите Агрокор и Агрокор д.д. Тој дополни дека компаниите на Агрокор вредат 13 милијарди куни (1,7 милијарди евра) помалку отколку што било прикажано.
Сепак, Рамљак е уверен дека ќе се постигне договор со доверителите, а оптимизмот го темели на добрите деловни резултати во првите овогодишни месеци. Тој потенцираше дека вработените не треба да стравуваат за своите работни места.
Ново на Сител
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани