Технологија
6. February 2016 - 18:56

Решена дилемата: Дали Galaxy S6 е подобар од iPhone 6S?

Galaxy S6 или iPhone 6S? Кој телефон е подобар? Оваа дискусија трае со години меѓу фановите и тешко дека може да и се види крајот. Телефоните на Apple и Samsung со нас се веќе некое време и секој има свои адути, но постојат неколку клучни причини во корист на Samsung.
 
Иако приближно имаат слична големина, телефонот на Samsung има поголем екран и многу повисока резолуција (2560 x 1440 во споредба со Apple 1334 × 750). Galaxy доаѓа со 3 GB рам меморија, во споредба со Apple 2 GB, која обезбедува малку подобри перформанси. Камерата на Samsung е исто така помоќна со резолуција од 16 мегапиксели, во споредба со Apple 12. Покрај тоа, исто така, нуди видео способности кои iPhone 6S ги нема. 
 
Samsung телефонот доаѓа со сензор кој го мери пулсот и лесно можете да го следите вашето здравје. Центарот за известувања е исто така прегледен и подобар, додека кај iPhone тој изгледа како огромна низа на податоци, пишува 24sata.hr.
 
Samsung до крајот на февруари во Барселона ќе го претстави Galaxy S7 кој треба да ја донесе голем број на подобрувања во однос на неговиот претходник.