Свет
17. July 2016 - 11:18

Репортери без граници ги осуди нападите врз медиумите и новинарите при обидот за пуч во Турција

Репортери без граници остро ги осуди нападите врз медиумите и новинарите за време на обидот за воен удар во Турција, во кој војници, кои го поддржуваат превратот убија турски фоторепортер.

Според организацијата, која ја заштитува слободата на печатот, фотографот од весникот „Јени шафак’“ Мустафа Џамбаз бил убиен, откако преку социјалните мрежи повикал за мобилизација против пучот.

Други двајца турски новинари се жестоко нападнати од демонстрантите, кои ја поддржувале власта, поради тоа што работеле во медиумите кои се критичари на власта. Едниот од нив тврди дека за малку ќе бил фрлен од мост.

Турскиот премиер Бинали Јилдирим се извини за тие инциденти, кои произлегле од „стресот и силниот наплив на емоции кај демонстрантите“.

Невладината организација исто така нагласува дека претседателот Реџеп Таип Ердоган и неговите приврзаници, кои вообичаено се мошне критични кон социјалните мрежи, ги користеле мошне активно за да ја стават ситуацијата под контрола. 

- Време е властите во праска да ја покажат својата посветеност кон демократските принципи и да престанат да се однесуваат кон критичарите како кон измамници и терористи, се наведува во соопштението на Репортери без граници.