Регионалниот пат Кратово- Пробиштип е во прекин во двата правци за сите видови возила
Регионалниот пат Кратово- Пробиштип е во прекин во двата правци за сите видови возила, а екипи на „Македонија пат“ интензивно работат на расчистување на снежните наноси.
На останатите патни правци сообраќајот полека се нормализира.
На патот Штип – Кочани, кај с. Крупиште возилата наизменично се пропуштаат по една коловозна лента.
Во текот на ноќта и раните утрински часови се чистеше патот од Свети Николе до Куманово, по што е укината забраната за сообраќање на автомобили, но сеуште е забранет за тешки товарни возила.
Камионите ќе можат кон север да се движат преку штипската кључка кон Катланово. Се расчистуваат и патиштата кои водат до околните населени места, меѓутоа работата е отежната од ниските тепмератури.
-Знаеме дека на -5 степени солта не реагира и тоа ќе преставува дополнителен проблем, меѓутоа ние ќе ставаме и поголеми количини на песок-изјави Игне Иванов, директор на ЈП „Стипион“-Штип
Вработените од јавните претпријатија се на терен и интензивно работат на чистење на улиците и тротоарите.
-
Трајан Ристовски
Сите содржини од овој новинар