Фудбал
18. October 2017 - 19:35

Реал Сосиедад без шест играчи во Скопје

Шпанската екипа Реал Сосиедад од денеска е во Скопје и очекува на утрешниот дуел со Вардар да ја постигне втората победа во групата Л од Лига Европа и да освои нови три бодови.
На прес конференцијата пред натпреварот се појави тренерот Еузебио Сакристан. 
 
-  Подготвени сме за натпреварот со Вардар и сакаме да освоиме нови три бодови во Европа. Имаме респект за Вардар, тие се намачија да дојдат да играат во Лигата Европа, затоа не смееме да правиме грешки. Сакаме победа, но нема да потцениме никого. Ќе се обидеме да наметнеме наш стил на игра и да постигнеме победа, изјави Сакристан.
 
Гостите од Шпанија во Скопје допатуваа без шест играчи, но тренерот на Реал Сосиедад истакна дека неговата екипа е подготвена за надигрување. 
Натпреварот Вардар - Реал Сосиедад се игра утре со почеток во 19 часот, а во истиот термин играат и Зенит - Розенборг.  
Зенит е прв на табелата со 6 бодови, Реал Сосиедад и Розенборг имаат по 3 , а Вардар е без бодови.