-->
-->
Реал пак го „тресе“ Атлетико!
-->
Младиот голман на Атлетик Билбао, Кепа Аризабалага, е првата цел на Реал Мадрид за наследник на Кејлор Навас, објави „Марка“. Весникот секогаш е добро запознаен со она што се случува во „кралскиот клуб“, а веста за Аризабалага ја пренесува како ексклузивна во денешното издание.
Костариканецот Кејлор Навас, со мал исклучок минатата сезона, брани во константно добра форма, но и тоа не му е доволно за да стекне целосна доверба во клубот.
Пред една и пол година во последен момент на Реал му пропадна трансферот на Давид де Хеа, потоа со клубот се поврзуваа неколку имиња, а според „Марка“, клубот уште во јануари покажал интерес за Кепа Аризабалага.
Голманот беше дел од шпанската репрезентација до 21 година, која во јуни го загуби финалето на Европското првенство од Германија, а минатата сезона ги делеше минутите со 14 години постариот Горга Ираизоз.
Аризабалага, кој за две недели ќе наполни 23 години, за Реал е интересен бидејќи неговиот договор со Атлетик истекува по завршувањето на сезоната.
Реал е подготвен да плати за младиот голман 65 милиони евра, само за да ги обезбеди неговите услуги пред тој да стане слободен играч. Доколку Флорентино Перез успее да го добие потписот на Аризабалага, тогаш тој ќе стане најскапиот голман во историјата на фудбалот.
-->
-->
-->
Ново на Сител
-
ДИК: Заврши увидот во Избирачкиот список и регистрацијата на гласачите од дијаспората
-
Ковачевски: Владата подготви закон за рестриктивни мерки, Милошоски да го стави на комисија
-
Трамп: Ако победам, ќе го депортирам принцот Хари доколку лажел на апликацијата за виза
-
ДИК: Црната листа на САД не може да влијае врз претседателската кандидатура на Стевчо Јакимовски
-
Бебе загина во сообраќајка на патот Струмица-Ново Село
-
Приведен дебранец поради агресивно однесување кон полициски службеници
-
Разбиена криминална мрежа во Атина која регрутирала малолетни девојчиња и ги принудувала на проституција
-
Претрес во Скопје, пронајдена дрога и украдени часовници - Приведени три лица