Реакција на СДСМ на прес-конференцијата на Христијан Мицкоски
Крадоначалниците на ВМРО-ДПМНЕ се последната одбрана на режимот на Груевски што граѓаните го поразија на 11 декември, а ќе го поразат и на претстојните локални избори.
Кандидирањето на старо нови крадоначалници кои успешно го следат примерот на Груевски за криминално и расипничко владеење, уште еднаш докажа дека партијата ВМРО-ДПМНЕ е длабоко навлезена во криминал и се уште не може да се ослободи од стегите на Никола Груевски и Сашо Мијалков.
Коце Трајановски и Тони Трајковски се типични крадоначалници од ВМРО-ДПМНЕ кои работат како продолжена рака на нивниот шеф Никола Груевски кои не се грижат за граѓаните, туку единствено за нивните коруптивни интереси. Најголемото достигнување на Трајковски е што по нарачка на Груевски и Јанакиески одмазнички и противзаконски рушеше објекти, како што самиот Груевски кажа „со динамит“.
Трајановски ќе остане запаметен како најголем уништувач на градското зеленило и дрвата во Скопје и како исполнувач на желбите на Никола Груевски. Неодговорното и расипничко владеење на Трајановски го остави Скопје со екстремно загаден воздух, нездрава животна средина и со урбанистички и сообраќаен хаос, додека истовремено трошеше милиони евра народни пари за лажни градски плажи, врби, палми и панорамски тркала, само за да ги задоволи желбите и криминалните апетити на неговиот шеф Никола Груевски.
Граѓаните го препознаа одговорното, чесно и транспарнтно работење на СДСМ и затоа на локалните избори чесната понуда на кандидати и програма на СДСМ ќе добие најголема поддршка од гласачите. Граѓаните ќе изберат нова, услужна локална власт предводена од СДСМ којашто ќе работи во интерес на граѓаните.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација